 |
||||||||
|
||||||||
Sparetips
Oppvarming
Omlag 52 % av energibruken går til oppvarming av bustaden.
Slik nyttar du energien meir effektivt:
- Senk innetemperaturen til ca. 20 grader C!
- Tett trekken langs dører og vindauge med tetningslister!
- Luft raskt og effektivt!
- Montér termostat for styring av romoppvarminga og ei sentral styringseining for nattsenking av innetemperaturen!
- Lat att døra mellom kalde og varme rom!
Dersom du skal byggje nytt hus, bør du vurdere følgjande:
Skal eg ha vassboren varme i golv?
Vassboren varme gir deg eit betre inneklima og auka komfort. I tillegg har du høve til å varme opp huset med det til ei kvar tid rimelegaste alternativet, både strøm, varmepumpe, ved, biopellets, olje osb.
Skal eg ha balansert ventilasjon?
Dersom du investerer i eit ventilasjonsanlegg med varmegjenvinnar, kan du ta ut overskotsvarme frå bad, vaskerom og kjøkken og nytte denne i andre rom. Med eit slikt anlegg kan du redusere oppvarmingsutgiftene dine med inntil 40%!
Skal eg ha sentral styring av elektriske varmekjelder?
Med ei sentral styringseining kan du frå eit rom i huset styre alle varmeomnar og elektriske punkt. Styringseininga gjer deg mellom anna høve til å senke temperaturen om natta og når du ikkje er i huset.
Visste du at:
- Du sparer 5% av kostnadene til oppvarming for kvar grad du senkar temperaturen?
| _______________________________________________ | ||||
 |
||||